跌打骨傷推介: 周永強 醫師

搬到得寶花園已個多月，近日樓下商場開了惠康，電梯大堂翻新，牛頭角下村又起得如火如荼，牛頭角道淘大花園對出的行人路人多到好似旺角咁，好一遍欣欣向榮的氣氛。

扒龍舟扒得多，加上日日對電腦，後頸肩膀又硬又痛，便在附近找家跌打師傅看看。昨日在樓下商場水牌找到了一家 "周永強醫師"，寫著4號舖，但四圍望都見唔到，最後見到個紙牌寫個"4號->"，便沿惠康直行，出了商場轉右，先見到個招牌，見周師傅正在練氣功，便進去看了。

他詳細問過病情後便開始推拿，一搭手便知周師傅有料到，因為他不是用死力，是陰柔之力，他先用手感慢慢找到緊位，然後施力按鬆。我說是新搬來的，他便講述九龍灣的歷史，說40多年前淘大花園前身是淘大豉油廠，對開牛頭角下村當年是海，有些客人年幼時便沿岸捉蟹釣魚。他之前在新界行醫，94年進駐得寶商場。當年他們一班醫師已察覺學童長期揹書包會令背部慢性受傷，積極推廣學童護脊，可惜當時政府不支持中醫跌打，個人力量有限，計劃無疾而終。聽到這裏已覺得周師傅是有Heart之人，治療亦完畢，敷藥後付診金便再預約今天看多一次。師傅叮囑要戒酸辣生冷，12小時後可拆，1小時後才可洗澡。

今天看完後肩膀已鬆了八成，但明天又要練龍舟了，看來下周又要找周師傅幫忙了 :)